Nëna Terezë shpallet shenjtore
04 shtator 2016
Më 4 shtator 2016, Nënë Tereza u shpall Tereza e Shenjtë e Kalkutës nga Papa Françesku.
Para më shumë se dhjetëra mijëra pelegrinëve në sheshin e Shën Pjetrit në Vatikan, kardinali Angjelo Amato – Prefekti i Kongregatës për shpalljen e shenjtorëve, lexoi një biografi të shkurtër të veprave të Nënë Terezës, dhe pastaj kërkoi nga Papa për ta kanonizuar në emër të Kishës.
Papa Françesku u përgjigj: ,,Le të sjellim buzëqeshjen e saj në zemrat tona dhe t’ua japim atyre që i takojmë gjatë udhëtimit tonë, veçanërisht atyre që vuajnë. Shpallim Terezën e Bekuar të Kalkutës të jetë e shenjtë dhe e regjistrojmë në mesin e shenjtorëve, dhe ajo si e tillë duhet të respektohet nga e gjithë Kisha.
Ndër pjesëmarrësit do të përmendim: Bojan Koloxhejçuk, ML, që është postulator për lumturimin (beatifikimin) dhe kanonizimin e Nënë Terezës nga Kalkuta dhe drejtor i Qendrës Nënë Tereza; Age Bojaxhiu (mbesa e Nënë Terezës) dhe familja e saj; delegacioni nga Republika e Maqedonisë; Mbretëresha Sofja e Spanjës dhe anëtarë të tjerë të familjeve mbretërore; përfaqësues të trupit diplomatik, qindra motra nga Misionarët e Bamirësisë nga mbarë bota, si dhe përfaqësues të bashkësive të ndryshme fetare, priftërinj, besimtarë dhe mbështetës të Nënë Terezës.












